برهان ابتسم على شكلها وهي مكسوفه وضحك بخفه ومسك التليفون هيرن لوالدته يطمن وصلت ولا لا.. بس جالو اتصال من حد من صحابه وقال.. الو.
جالو صوتو بيقول.. مش هتصدق يا برهان أنا أخيرا راجع القاهره.
ابتسم وقال.. ايه ده بجد والله ترجع بالسلامه يا امجد.
امجد ابتسم وقال بإذن الله اسبوعين واوصل وحشتوني قوي وطنط شكريه وحشتني هاجي اشوفها اول ما اوصل.
برهان ضحك وقال.. لا والله للاسف هي مش موجوده راحت لاختها تاخدلها اسبوعين تلاته بس اكيد هتشرفني.
امجد قال.. ده انت واحشني موت في موضوع مهم جدا محتاجلك فيه.
برهان قال.. خلاص أنا مستنيك.. وقفل معاه.. ولسه هيطلع طلعت قسمت من الحمام وقفت قدام المرايه تنشفه بالسيشوار.
برهان قال في نفسه.. وبعدين في الهم اللي أنا فيه ده بقى.. واتنهد وقال.. مش عارف ليه بحس إنك بتتقصدي تعذبيني.
قسمت قالت باستغراب.. ليه.. بعذبك ازاي يعني.
برهان قال.. يعني لبسك اللي مش لبساه ده مش عذاب بذمتك.
قسمت ضحكت ضحكه جميله وقالت.. لبسي اللي مش لابساه ده انت اللي جايبه وانت اللي مختاره حته حته من يومين لما قولتلي لبسي مش حلو وبيئه فاكر.
برهان اتنهد وقال.. جاتني وكسه عليا.. وعلى اختياراتي.. بس أنا مكنتش متخيل انو هيطلع عليكي كده.. بقول ايه ما تيجي ناخد ماتش ودي في السريع كده.
قسمت ضحكت جامد وقالت.. وأنا من امتى يعني سبتك تاخد ماتش في البطيء علشان تاخده في السريع.
برهان قرب منها وقال.. يا بت هعيدها للمره المليون انتي حقي لو أي راجل غيري كان زمان واخذ منك كل اللي عايزه ودلوقتي البيت فاضي والدتي اللي بخاف على احساسها مش موجوده ما تخلينيش اضايقك وتضايقيني.
قسمت اتسعت عينيها وهي بتبص له بخوف وقالت.. ليه هو انت ممكن تعمل كده بجد.
برهان ضحك جامد وقال.. أنا لو اقدر اعمل كده بجد ما كنت عملتها من زمان.. مشكلتي كل ما اشوف دموعك واشوفك متضايقه بجيب ورا.. حتى لما مشيتك من البيت وخلصت.. مقدرتش استحمل نظراتك ليا وجيت وراكي منظري بقى قدام نفسي زباله.
قسمت ضحكت وقالت.. بس منظرك قدامي بيبقى حلو قوي.. بحس لسه فيك حته بتدي على انسان كده.
برهان اتنهد وقال.. طب والحل.. هنفضل كده لامتى ترفضيني واهينك وانقل من بعض هنعيش كده لامتى.
قسمت قربت منه وقالت.. لحد ما قلبك يدق وتتعامل معايا على إني انسانه وعندي احساس.
لسه هتمشي شدها عليه وقال.. طب ما أنا عارف إن عندك احساس أنا عايز بس اطلع الاحساس ده علشان نحس ببعض أنا متاكد إن عندك احساس عالي بس مش عايزه اتحركيه.
قسمت ابتسمت وقالت أنا يوم ما احركه احركه لك انت.
برهان بصلها بدهسه ومسكها من دراعها بغضب وقال امال عايزه تحركيه لمين يعني مش فاهم.
قسمت خافت من نظراته وقالت بسرعه.. مش هحركه اصلا هو اتشل اصلا يا باشا بس انت استهدى بالله.
برهان مقدرش يمنع ضحكته على الكلام ده وشكلها وهيه خايفه سدها ليه بحنيه وقال وانا اوعدك هاخليه يتحرك تاني ان شاء الله حتى اجيبلو كرسي بعجل.
قسمت ضحكت بخفه ونزلت عيونها.
وبرهان ابتسم وقال هحاول استحملك واستحمل جمالك ده لحد ما ترضى عني بس أنا بقولك اهوه هاحاول مجرد ما محاوله.
قسمت ضحكت وقالت.. أنا فاهمه إنك لسه بتحاول واخده بالي.
برهان ضحك وقرب اكثر وقال طب ايه مش هتديني أي حاجه عشان المحاوله تشجيع وكده يعني.
قسمت اتوترت وقالت أنا.. أنا.
