بس برهان فاجأها لما مسك ايدها بحنيه وقال.. اهدي أنا.. احم.. أنا مقدر اللي انتي فيه.. وعارف إنك.. إنك طبيعي تخافي مني.. بس بجد أنا حابب.. ونفسي قوي.. نصلح علاقتنا سوا يا قسمتي.
بصتلو بدموع وابتسامه وقالت.. بجد يا برهان.
ابتسم وقال. جد اوي.. وحياة عيونك الحلوين.. نفسي اعوضك عن كل دقيقه اذيتك فيها.. هو أنا زي ما قولتلك.. هحاول وانتي كمان يعني.. حاولي معايا.
قسمت ضحكت وقالت.. حاضرر هحاول.
ابتسم وقال يلا بقى.. اهدي.. غيري الهدوم دي والبسي حاجه هنخرج.. بما إن ست الكل سابتنا ناخد راحتنا اسبوعين خلينا نخرج واوريكي المدينه.
قسمت قالت بسعاده.. بجد.. بجد هتخرجني.
برهان ابتسم على سعادتها وقال.. اه.. هخرجك.. واهخرج معاكي بره دوامة الكئابه دي أنا امبارح.. امبارح خوفت عليكي اوي قلبي اتقبض لما حسيت ممكن افقدك.. مش هستنى لحد ما تروحي مني.. يلا يا قسمتي البسي بسرعه.
جريت بسعاده وقالت.. هوا.
برهان ضحك واتنهد بارتياح وحاسس بأمل شديد في علاقتو معاها.
واستمرت الأيام بنهم وعدو أجمل اسبوعين عليهم فسح وخروجات وأجمل أوقاتهم سوا رغم إنها كانت لسه بتمنعو يقرب منها بس كانو مبسوطين وكان برهان صابر عليها ومش بيزعلها.
في يوم كانو قاعدين في الاوضه وبيلعبو جيمز.
قسمت اتنهدت بضيق وقالت.. دي سابع مره تغلبني حاسه إني مش بعرف العب.
برهان ضحك بشده وقال.. حاسه طب كويس إنك لسه في مرحلة الاحساس.. وبعدين ما أنا على طول بتغلبني عيونك وعادي اهوه.
قسمت ابتسمت وقالت.. كلامنجي اوي يا باشا.
برهان ضحك وقال.. الباشا مش قادر يتخطى سحرك.. هو أنا.. هطول الرضا امتى.. ماانا اهو كيوت وبسمع الكلام وبقيت دايب فيكي دوب.. وبتمشي في جسمي زي المكروب.
قسمت ضحكت جامد وقالت.. ميكروب يا برهان ده ايه الرومانسيه دي.
برهان شدها عليه وقال.. الرومانيسيه انتي رفضاها ولسه بيتكلمو الباب خبط بعدت بخضه.
مسح على وشو بخنقه وقال.. مييين.
الخدامه قالت بتوتر.. يا باشا فيه شاب بيقول انو زميلك وصاحبك راجع من لندن وحضرتك مستنيه.
ضرب على جبينه وقال ياخبر ده قايلي من اسبوعين.. نسيت هنزل اقابلو وارجعلك.
قسمت ضحكت.. وهو لبس ونزل.
وصل الصالون وكان مستنيه شاب في التلاتين وقف وسلمو على بعض وقال.. اهلا.. اهلا يا امجد ليك وحشه والله.
امجد قعد وقال وانت والله وبقم يتكلمو سوا.
قسمت نزلت ودخلت المطبخ بقت تجهز لهم ضيافه مع الخدم.
وامجد كان بيتكلم مع برهان وقال.. بص ياسيدي قبل ما اسافر روحت الارياف في عزبة جدي قعدت فتره وكانت فيه بنت جميله هناك كل يوم ترعى اغنامهم بجد البنت دي رقيقه وجميله أنا وعدتها إني لما ارجع هروح اخطبها وأنا أصلا بحبها ومش قادر انساها عايزك بقى تيجي معايا نخطبها لأن اهلي رافضنها علشان من الارياف وكده.
برهان اتنهد وقال.. تفكير عقيم.. أنا نفسي كنت بفكر كده لحد ما ربنا هداني.. جاي معاك متقلقش أنا أصلا يمكن اعرف اهلها لأن على حسب وصفك هيه من نفس بلد مراتي.
امجد قال بسرعه.. هيه فين مراتك صحيح.. متعرفناش يعني.
برهان نادى لقسمت وقال.. قسمت.. قسمت تعالي.
امجد قال بهمس.. قسمت.
قسمت اخدت العصير ودخلت وهيه عيونها في الارض وحطتو على الطاوله وبرهان بيقول.. سلمي على امجد يا قسمت.
امجد كان بيبصلها بصدمه وزهول وقسمت رفعت عنيها ليه واتصدمت بشده لما لقتو نفس الشخص اللي كان عايز يتجوزها.
اتصدمت بشده لما لقتو نفس الشخص اللي كان عايز يتجوزها.
بقم يبصو لبعض بصدمه وامجد عيونه اتملت دموع.
برهان استغرب نظراتهم وفكر شويه لما قسمت قالتلو إن الشخص اللي بيحبها وبعت الجواب غايب من سنتين وامجد حكالو كمان انو بيحب بنت قبل ما يسافر من نفس بلد قسمت وقف بسرعه وهو بيلعن غبائو وقال.. هو فيه ايه.. حد يفهمني.
قسمت جريت بسرعه وامجد لسه هيروح وراها برهان مسك ايده وقال بعصب.. انت بتعمل ايه انت اهبل.. هيه دي.. هيه دي البنت اللي انت عايز تخطبها مش كده.
امجد مسكو من قميصه بغضب وقال.. انت.. انت ازاي تعمل كده اتجوزتها ليه.. ليه.
برهان قال بغضب.. اهدى يا امجد.. ده نصيب وقسمت خلاص بقت مراتي.. وياريت تنسى موضوعها لو عايز نفضل صحاب.
امجد قال بغضب.. أنا هنساها وهنساك انت كمان انسى صداقتنا أنا راحع من مكان ماجيت انت ودي اشبعو ببعض.
برهان حاول يناديه ويفهمو انو مكانش يعرف بس مشي بسرعه.. بص لطيفه بغضب وطلع على الاوضه ورا قسمت بسرعه وهو هينفجر من الغضب والغيره.
في الاوضه كانت قسمت بتلطم على خدودها وبتقول يامصبتي ازاي طلع صاحبو يادي المصيبه السوده ده أنا ما صدقت انو اتعدل معايا.
برهان دخل بغضب وبصلها بحده وقال.. هو ده حبيب القلب.. هو ده اللي بترفضيني علشانو.. مش كده.. هو ده اللي مش قابله تكوني ليا على امل إنك ترجعيلو مش كده.
قسمت بصتلو بخوف من عصبيتو وقالت.. لا لا ابدا.. ابدا والله هو هو كان فعلا بيقولي انو بيحبني وانو لما يرجع من السفر هيتجوزني بس أنا عمري ما حبيتو ولا فكرت فيه حتى ابدا والله.
قرب منها بغضب والغيره بتاكل في قلبو وقال.. ايه اللي كان بينكم علشان ترفضيني بقالنا شهور متجوزين وانتي مش طيقاني حتى لما قولتلك هتغير علشانك برضو زي ما انتي لسه رفضاني أنا.. أنا جربت كل حاجه معاكي كل حاجه وبرضو مش مدياني فرصه اقربلك علشان.. علشان بتحبيه يا قسمت لسه بتحبيه.. وضرب الحيط وراها بغضب.
قسمت بقت تبكي بقوه وقالت بانهيار وزعيق.. لا لا والله.. أنا أنا ببعد عنك من معاملتك دي.. انت جريت كل حاجه فعلا.. جربت كل حاجه الاهانه والغضب والتجريح وبس.
بس مجربتش مره المعامله الكويسه.. مجربتش تقولي أنا مكنتش اقصد يا قسمت.. أو أنا بحبك وعايزك.. عايزك زي ما انتي.. ميفرقش معايا إني غني وانتي فلاحه.. مش فارق معايا الغلطه اللي عملتيها بدون قصدك أنا عايزك يا قسمت.. مقولتش حاجه يا برهان مقولتش.
وقعدت على السرير وبقت تبكي جامد.
