يوم فرحي

مقدم الشقة
عشان القسط يقل
وهو وافق.
لكن ما كنتش أعرف إن العقد اتكتب باسمي.
بصيت لعصام
ليه ما قلتليش؟
قال
كنت هقولك
أمي قاطعته
إنت كنت هتقول لها إمتى؟
بعد ما تتجوز وتكتشف إنك عامل نفسك المعيل الوحيد؟
عصام قال
أنا كنت خاېف أقول لها إن أختي محتاجة مساعدتي
أمي قالت
وده مش عيب
العيب إنك تخبي
سكت.
لكن حماتي قالت فجأة
كل ده مش مهم
ابني له حق في فلوسه
وأخته أولى بيه
أمي بصتلها وقالت
أكيد
بس مراته ليها حق تعرف
وبنتي ليها حق تعرف هي داخلة على إيه
ثم التفتت للناس وقالت
أنا مش عاملة المشهد ده عشان أوقف فرح بنتي
ولا عشان أحرج عصام
أنا عملته لأن بنتي سألتني قبل ما تتجوز
وقالت لي
ماما أنا عايزة راجل يكون صريح معايا
وأنا وعدتها إني مش هسكت على حاجة تضرها
ثم بصت لي وقالت
ندى
لو عايزة ترجعي البيت معايا دلوقتي
هترجعي
ولو عايزة تكملي
هتكملي
بس مش على كڈبة
أنا حسيت بدموعي نزلت.
مش عشان أمي ڤضحت حاجة
لكن عشان لأول مرة حسيت إن حد وقف جنبي من غير ما يقرر بدالي.
عصام قرب مني.
قال بصوت منخفض
ندى
ممكن نتكلم لوحدنا؟
بصيت لأمي.
قالت
روحي
أنا مش هتكلم مكانك
طلعت معاه ناحية غرفة جانبية في القاعة.
أول ما الباب اتقفل، عصام قعد على الكرسي وحط إيده على وشه.
وقال
أنا آسف
سكت.
قال
أنا عارف إن اللي حصل شكله وحش
قلت
مش شكله وحش يا عصام
اللي حصل وحش
قال
أنا كنت عايز أساعد سارة
قلت
ساعدها
مين منعك؟
قال
أبويا كان عليه ديون زمان
وأمي تعبت عشان تربينا
وسارة لسه بتدرس
أنا وعدت نفسي إنها ما تحتاجش حد
قلت
وإنت وعدتني بإيه؟
رفع عينيه لي.
قلت
إنت وعدتني إننا هنكون بيت
مش إنك هتكون أخو سارة وأنا مجرد واحدة بتساعدك في البيت
قال
أنا ما كنتش شايفك كده
قلت
بس تصرفك خلاني أحس بكده
سكت.
قلت
ليه ما قلتليش من الأول؟
قال
خفت ترفضي
الجملة دي وجعتني أكتر من أي حاجة.
قلت
يعني كنت عارف إن اللي بتعمله ممكن يخليني أرفض؟
قال
أيوه
قلت
ومع ذلك عملته؟
قال
كنت فاكر إن بعد الجواز لما تعرفي سارة هتحبيها وهتفهمي
قلت
أنا بحب سارة
لكن مش معنى إني بحبها إني أوافق على أي حاجة
ثم سألته
هو مرتبك فعلًا 15 ألف؟
قال
أيوه
قلت
وفيه دخل تاني؟
سكت.
قلبي دق بسرعة.
قلت
فيه دخل تاني يا عصام؟
قال
أنا بشتغل شغل إضافي أوقات
قلت
كام؟
قال
حوالي 4 آلاف
قلت
ومين يعرف؟
قال
أمي وأبويا
قلت
وأنا؟
سكت.
قلت
ليه مخبي؟
قال
كنت بجهز حاجة
قلت
إيه؟
مد إيده في جيبه وطلع ظرف.
فتحه وطلع منه إيصال تحويل.
قال
كنت بحوش جزء من الشغل الإضافي عشان أجيبلك العربية اللي نفسك فيها
أنا بصيت له.
مش عارفة أفرح ولا أزعل.
قلت
يعني كنت بتخبّي عني فلوس عشان تجيبلي عربية
وفي نفس الوقت بتعلن قدام الناس إن مرتبك كله هيروح لأختك؟
قال
أنا غلطت
قلت
أيوه
غلطت
لكن فيه حاجة لازم تفهمها
أنا مش زعلانة إنك بتساعد سارة
أنا زعلانة إنك قررت حياتنا من غير ما تشاورني
قال
عندك حق
قلت
ولو أنا كنت عملت فيك كده؟
لو بعد الجواز قلت لك إن مرتبي كله تقريبًا هيروح لأخويا
وإنت هتصرف على البيت
كنت هتقبل؟
هز راسه
لا
قلت
إذن ليه طلبت مني أقبل؟
سكت طويلًا.
ثم قال
أنا مستعد أصلح كل حاجة
قلت
إزاي؟
قال
أول حاجة
سارة هتكمل مصاريفها من فلوس أبويا وأمي
ولو احتاجت حاجة ضرورية أنا هساعدها
لكن مش على حساب بيتنا
ثاني حاجة
هنقعد نعمل ميزانية مع بعض
وثالث حاجة
أي قرار يخص فلوسنا هنعمله سوا
قلت
وأهلك؟
قال
هتكلم معاهم
قلت
حتى لو زعلوا؟
قال
حتى لو زعلوا
قلت
ولو والدتك قالت لك إنك بتتغير بسبب جوازك؟
قال
هقول لها إني بتعلم أكون زوج
مش مجرد ابن
الكلمة دي خلتني أسكت.
لأول مرة حسيت إن عصام بدأ يفهم.
لكن كان لسه فيه حاجة.
قلت
والحكاية بتاعة إنك قلت قدام الناس إن مرتبك هيروح لأختك؟
قال
أنا آسف
هنزل وأقول لهم إني غلطت
قلت
لا
مش عايزاك تعتذر قدام الناس عشان أمي
عايزاك تعتذر لنفسك قبل ما تعتذر لي
بص لي باستغراب.
قلت
لأنك لو فضلت تعمل حاجات عشان ترضي الناس، عمرنا ما هنعيش
قال
أنا فهمت
خرجنا من الغرفة.
القاعة كانت لسه ساكتة.
أمي كانت واقفة.
حماتي قاعدة ووشها مليان ڠضب.
سارة كانت بټعيط.
الحاج مصطفى باصص في الأرض.
عصام مسك المايك.
وقال
أنا عايز أقول حاجة
الناس كلها