فضل يدور وبعد ما عداها بمسافه شافها نايمه على المقعد وضمه نفسها وبتتنفض من البرد اتسعت عينيه ورجع بسرعه الجري عليها.
قسمت كانت بتتنفض من البرد وشبه مغمى عليها ومش حاسه بأي حاجه حواليها بقى يضربها على خدودها بخفه وبيقول قسمت.. ردي عليا.. سمعاني.
قسمت كانت بتفتح عينيها وتغمضها تاني وهي بترتجف من البرد.
برهان شالها بسرعه وهي مسكت في هدومه جامد وبقت تتخبى فيه من كتر ما بردانه.
برهان نزلت دموعه بندم شديد.. وحطها في العربيه وطلع بيها بسرعه على البيت.
أول ما وصل شالها وطلع بيها اوضته وهو هيتجنن من الخوف وبيلعن نفسه 1000 مره.
نزلت دمعه من عينه على شكلها واتنهد وحاول يقوي.
راح جبلها هدوم من الدولاب وقرب منها وعايز يغير لها هدومها علشان ما تتعبش.
قسمت حسيت بيه ورفعت عيونها بتعب شديد وحطت ايدها على ايده وهيه بتهز راسها بالرفض بتعب شديد.
برهان بصلها وتلاقت عيونهم وقال.. ما تخافيش هاغيرلك الهدوم دي.. كده ممكن تتعبي.
قسمت حاولت ترد عليه بس كانت تعبانه جدا غمضت عينيها مره تانيه.
وبرهان بقى يكمل.
وقال.. انتي جميله قوي يا قسمت خصوصا وانتي نايمه كده.. كل حاجه فيكي حلوه كل حاجه فيكي جذابه وتشد.. عارفه.. أحلى حاجه في اللي حصل ايه.. إني هقدر أكلمك من غير ما تسمعيني.. وهقول اللي جوه قلبي.. عايز أقولك إني مبهور بكل تفصيله فيكي.
وقرب حاولت ترفع ايديها تمنعه بس ما قدرتش.
برهان قال..
ايه مش قادره تبعديني عنك صح مش قادره تقاومي زي كل مره.
قسمت بصت له جامد برجاء مش عايزاه يقرب.
غضب شديد بيسيطر عليه من رفضها بصلها بحده وقال الليله أقدر أعمل اللي أنا عايزه.. بس مش هعمل كده مش علشان بحترم اللي انت فيه.. لا علشان انتي ما تستاهليش إني أقلل من نفسي وأقرب لك في الوضع ده وجاب لها لبس ولبسها ونيمها تاني وبقى يغطيها لأنها كانت بترتجف.
قسمت كانت دموعها بتنزل بغزاره وبترتجف جامد وبرهان كان بيبصلها بحزن وصعبانه عليه جدا.. حاول يقوى وينفض أي أفكار من دماغه وهو بيقول.. ما تستاهلش دي بالذات لا.. دي بالذات لا يا برهان واخد هدوم ليه ودخل الحمام.
خرج بعد شويه بس اتفاجأ بيها بترتعش وبتهلوس.. قرب منها وحط ايده على جبينها بيشوف حرارتها وكانت عاليه جدا وبقت تتنفض جامد وبتهلوس بكلام مش مفهوم.. حسب بخوف شديد عليها وقال قسمت.. قسمت انتي كويسه.. حاسه بايه.
قالت بصوت ضعيف.. بردانه قوي يا برهان قرب خليك جنبي.
برهان استغرب جدا وقرب منها وقال.. أنا جنبك أنا هنا أنا جنبك ما تخافيش.
قسمت رفعت عيونها ليه وقالت.. عايزه أحس.. إن.. إن فيه حد معايا.. يا برهان.
برهان اتسعت عنيه بزهول وقرب فورا من غير أي تفكير وبقى يقربها ليه وبيقول.. مش هسيبك أنا جنبك أنا معاكي يا قسمت متخافيش.
قسمت فضلت على الحال ده لحد ما حس إنها ابتدت تهدى وراحت فعلا في النوم.
وهو كمان كان مرتاح جدا بقربها ونام للصبح.
في صباح يوم جديد قسمت قامت من النوم وهي حاسه بحر شديد من كتر ما كانت متغطيه حاولت تبعد الغطا عنها بس اتفاجأت نايم جنبها.
اتسعت عنيها بزهول وبعدت بسرعه.
برهان فتح عينيه بتعب لما قامت مفزوعه وقال بسخريه.. صباح النكد مدام بعدتي 10 متر كده تبقي خفيتي.. تصدقي قلقتيني عليكي امبارح.
قسمت بصتلو بزهول وقالت انت.. انت ازاي جبتني هنا أنا آخر حاجه فكراها لما طلعت من البيت.
برهان ضحك بسخريه وقال هي دي آخر حاجه فاكراها امبارح.. أنا بقى آخر حاجه فاكرها امبارح لما كنتي بتقوليلي خليك جمبي يا برهان كانت طالعه من بقك قمر.
وقام وبقى يطلع هدومه من الدولاب بلا مبالاه.
قسمت استغربت اللي بيقوله وقالت بغضب.. انت بتستظرف أنا هقولك كده.. ده عشم ابليس في الجنه تلاقيك بس كنت مش متغطي كويس وبتحلم.
ولسه هتمشي ناحيه الحمام مسكها من درعها وقال.. ده انت اللي ما كنتيش متغطيه امبارح وكنتي بتحلمي أحلام عسل لسه فاكر وانتي بتترجيني افضل جمبك.
قسمت اتسعت عنيها بزهول.
وبرهان قال بسرعه.. بصيتيلي كمان نفس البصه دي لما كنت قريب منك عايزه اعترف لك بحاجه رغم كل اللي بينا لكن أنا مشوفتش بجمالك.. على فكره يكسبك دهب.. ده اذا كانت لسه هتكسبك.
قسمت بصتله بقرف ولسه هتمشي وقفها وقال انتي رايحه فين.
قالت بضيق شديد هلبسلي حاجه وامشي من هنا.. كويس إن حضرتك اتكرمت وجبتني.. اهو على الاقل البس طرحتي.
برهان حس بحرج شويه من اللي عمله مهما كان هيه مراته وعلى زمته وما كانش ينفع يرميها في الشارع بالمنظر ده كده اتنهد وقال بحرج.. خلاص أنا ميهمنيش مين اللي بعتلك الجواب ده ولا ايه اللي كان في بينكم كده كده انتي هنا مجرد خدامه يعني ما تفرقش خليكي مفيش داعي تمشي.
قال كده ولسه هيمشي ناحيه الحمام قالت بسخريه.. ده لما تكون حضرتك اللي منعني اقعد.. انما أنا اللي مش عايزه اقعد معاك اكتر من كده.
برهان بصلها بسخريه وقال.. ومن امتي بقى الكلام ده.
قسمت قالت بغضب شديد من النهارده أو بمعنى أصح من امبارح من وقت ما رمتني في الشارع غير حتى ما تسمع كلمه.. وبالليل وفي البرد ده ومفيش حاجه تستدعي أصلا اللي عملتو.
قسمت لسه هتمشي شدها عليه بقوه وقال بغضب.. واللي قريته في الجواب مكانش يستدعي.
قسمت دفعته بقوه وقالت بغضب. لا ميستدعيش أبدا لأن مش أنا اللي كاتبه الجواب علشان تعتبرني مش كويسة.. اللي كاتب الجواب ده واحد بقاله سنتين ما جاش البلد والدليل إنه باعتلي جواب وممعهوش رقم تليفوني حتى تلاقيه بعتو على بيتا القديم وهناك ادو للساعي عنوانك.. ده أصلا واحد له عزبه بتاعة جدو كانت جمبنا واتعرفنا عادي وهو سافر يخلص شغل.. وبعد اللي حصل وبعد ما اتجوزتك متواصلتش معاه أبدا.. مش مشكلتي أنا بقى انو فاكرني لسه متجوزتش وبعتلي جواب.
برهان قال بغضب شديد.. طب والمكتوب في الجواب ما قرتيهوش كاتب لك وحشتني ايامنا وليالينا.. ليالي ايه اللي كانت بينكم يا محترمه يالي عاملالي فيها محترمة.
قسمت قالت بغضب شديد.. أنا محترمة غصب عن عينك وعين 10 زيك.. لأن مش كل الليالي هي اللي بتيجي في بالك في عادي ليالي نضيفه.
برهان ضحك بسخريه وقال ويا ترى ايه اللي بيحصل في الليالي النضيفه لأن معنديش خبر.
قسمت قالت بضيق شديد.. ولا عمره هيكون عندك خبر لأن ليالك كلها في القرف بتاعك اللي بتعمله كل يوم والمفروض كل واحد يحاسب التاني.. يبقى حضرتك اللي المفروض تتحاسب الاول.
برهان بلع ريقه بارتباك وقال بغضب.. أنا.. أنا أعمل اللي أنا عايزه أنا عمري ما اعتبرتك مراتي.
قسمت قالت بضيق شديد وغضب وأنا أعمل اللي أنا عايزاه.. لأني برده عمري ما اعتبرتك جوزي.. انت اتجوزتني علشان تنتقم مني على حاجه أنا مليش ذنب فيها ومعملتهاش.
